kop

Study & Career Event: sinti, mira i eksperensiá.

Durante e Study & Career Event Bonaire 2015 eksperensia ta pará sentral: futuro studiantenan no solamente por bini den kontakto ku institutonan di enseñansa i dunadónan di trabou, pero tambe tin hopi kos mas di eksperensiá e aña aki. Wak pa bo t’ei dia 12-13-14 di novèmber na SGB, Kaya Odulfinus.

Demostrashonnan i kompetensianan di fishi

Riba djaweps 12 i diabièrnè 13 di novèmber e kompetensianan Skills pa alumnonan i studiantenan di (v)mbo lo tuma lugá. Esakinan ta kampionatonan pa abilidatnan, “skills” i e kompetensianan ta mará na e programa mundial di World Skills. Entre otro lo tin lasmentu, diseño gráfiko i téknika eléktriko: e kompetensianan aki lo ta un promé selekshon pa e kompetensia internashonal. Huntu ku e diferente demonstrashonnan nan ta perkurá pa basta kos di mira durante e dos dianan aki. Interesadonan por bin tira un bista ki ora ku nan ke!

No riba tereno di SGB so

E evento no ta limitá na tereno di SGB. Durante henter e evento Wardakosta lo ta na Boneiru ku un “cutter” mará na waf di Douane. Roderick Gouverneur, bosero  di KWCARIB ta splika ki tipo di boto esaki ta: “Na total nos tin tres “cutter” di Wardakosta. Spesialmente diseñá pa servisio den awanan rònt di e islanan Hulandes Karibense. E “cutter” tin un largura di agu mas ku 41 meter i su tripulante ta konsistí di 11 miembro.

Sr. Gouverneur ta sigui: “Riba djaweps 12 di novèmber di 14.00-16.00 or nos ta habri e “cutter” pa públiko i e alumnonan. Einan por haña tur informashon tokante aparatonan, tripulante, estudionan etc. Riba djabièrnè 13 di novèmber di 14.00-16.00 or nos lo tene algun demonstrashon den haf: akshonnan di Búskeda i Reskate i di Intersepshon di droga. Riba djasabra 14 di novèmber nos lo ta aktivamente presente na e Marshe di Informashon na SGB.”

Marshe di Informashon 14 di novèmber

Riba djasabra 14 di novèmber oula i hal di SGB lo ta kompletamente okupá ku stènt di institutonan di enseñansa  i empresanan. Hasi uso di e oportunidat aki pa puntra nan tur kos tokante e estudio di bo soño òf posibilidatnan pa bo futuro. E Marshe di Informashon aki ta kuminsá 12.00 or ku un aktuashon kòrtiku di DJ Marvv, no pèrd’é!

Lo tin presentashonnan i tayernan den e salanan mas chikitu. Mas atardi lo tin dos demonstrashon spektakular trobe. Esun promé ta di servisionan di promé asistensia, ku meskos ku aña pasá lo demonstrá un akshon di asistensia durante un emergensia. Despues lo tin un demonstrashon di WEB. Kisas abo ta haña chèns di sinta den un outo “bucket”!

Pa e último informashonan wak https://www.banboneirubek.com/content/study-career-event-bonaire-2015. Finalmente nos ke yama danki na e organisashonnan ku ta hasi e evento aki posibel. SCE ta bira posibel danki na sosten finansiero di RCN-OCW. SGB ta pone su tereno i lokalidatnan na disposishon gratuitamente, Telbo ta sòru pa konekshon di internèt grátis i Green Label ta dekorá e lokalidat ku mata.