kop

Elekshon 2-3-2011

Kampaña di Informashon konhunto elekshon Konseho Insular

 

Kralendijk – E promé elekshonnan despues di e struktura estatal nobo lo tuma lugá dia 2 di mart 2011. Na Boneiru, Saba i Sint Eustatius ta trata di elekshon di Konseho Insular i na Hulanda esaki nan ta elekshon di ‘provinciale staten’. Kada entidat públiko tin e responsabilidat pa organisá e elekshon di Konseho Insular i pa informá e suidadanonan tokante di e proseso di e elekshonnan aki. Rijksdienst Caribisch Nederland ta responsabel pa stimulá siudadanonan pa hasi uso di su derechi di voto. Pa e motibu aki Rijksdienst Caribisch Nederland huntu ku e urna sentral elektoral lo informá e públiko. 

 

Lo lansa e kombinashon di mensahenan for di e siman aki. Lo pone atenshon speshal riba e reglanan di vota ku a kambia. Ta apliká esakinan pa promé biaha, paso pa promé biaha e reglanan di vota Hulandes ta na vigor. For di fin di yanüari lo presentá e mensahenan aki mas intensivo. Bou di e lema “Bo tambe ta bai vota, tòg?” , lo start un kampaña di informashon intensivo, ku uso di diferente medio di komunikashon. Lo no hasi uso solamente di radio, televishon i korant, pero tambe lo tin un foyeto ku lo keda repartí di kas pa kas. Ademas kada votadó lo risibí un karta, ku ta kontené puntonan pa tene kuenta kuné na momentu di vota, huntu ku su karchi di vota.