“Komprondé e struktura nobo di e faktura”

TELBO e kompania di Telekomunikashon Boneriano, ta informá pueblo di Boneiru di e sistema di fakturashon nobo i ta duna splikashon di e faktura. 

Sistema di fakturashon
TELBO a introdusí un sistema di fakturashon nobo. E sistema aki ta pone ku lo fakturá delantá e gastunan fiho pa telefòn, TV i Internèt. Gastunan variabel (yamadanan) ta fakturá na final di luna. E kliente ku migra den un luna spesífiko lo risibí den e luna aki un fakturashon ku gastunan di dos luna. Gastunan fiho i variabel di e luna ku a pasa, i gastunan fiho pa e luna ku ta bini. 

Struktura di e faktura
TELBO ta informá su klientenan ku e faktura nobo tambe tin un struktura nobo. Klientenan di TELBO a risibí un splikashon di faktura den pòst òf via mail. Kon pa rekonosé e splikashon di faktura? Riba e splikashon di faktura tin un nòmber fiktisio ku TELBO a skohe komo muestra ku ta Pedro Janga. E splikashon di faktura aki ta inkluí tur informashon i montantenan ta un muestra pa por duna un splikashon kon e faktura ta hinka den otro. 

Entrega di faktura
Ku introdukshon di e sistema di fakturashon nobo tur kliente di TELBO lo risibí nan faktura via e-mail. Klientenan ku no a registrá nan e-mail ainda na TELBO por hasi esaki mas pronto posibel. Si akaso tin problema pa risibí faktura, por dòbel check den ‘junkmail’ òf verifiká ku e e-mail adrès ta korekto. Pa klientenan ku ta deseá di sigui risibí nan faktura den pòst, TELBO lo kobra un suma di $0.93 inkluí ABB.

TELBO ta yama danki na kada un di su klientenan. Nos propósito ta, pa ofresé e mihó servisio i produktonan ku e teknologia di mas avansá. Pa mas informashon por yama 715-7000, bishita nos wepsait www.telbo.net i ‘Like’ nos página di Facebook: TELBONV.

 

Customer Service

TELBO (Telefonia Bonairiano) N.V. Address: Kaya Libertador S. Bolivar 8, Kralendijk, Bonaire E-mail: customerservice@telbo.net