kop

Karta di minister di enseñansa na kandidatonan di èksamen final Hulanda Karibense

Kandidatonan di èksamen final di e direkshonnan vwo, havo i mbo a risibí siman pasá un karta di minister Jet Bussemaker di Enseñansa, Kultura i Siensia (OCW). E karta ta kontené informashon importante tokante eskoho di estudio, registrashon pa enseñansa superior i finansiamentu di estudio. 


Den e karta e studiantenan aspirante ta haña e konseho enfátiko pa informá nan mes bon tokante e estudionan disponibel i e eksigensianan di atmishon. E karta ta kontené tambe informashon tokante finansiamentu di estudio, pa tantu estudionan den region komo na Hulanda. Pa e studiantenan aspirante ku ta bai Hulanda ta duna atenshon na e chekeo di e eskoho di estudio i akohida na Hulanda. Tambe ta referí na wèpsaitnan importante manera di RCN Studiefinanciering

www.rijksdienstcn/com/onderwijs/studiefinanciering , 

www.studiekeuze123.nl  

www.goedvoorbereidnaardepabo.nl

www.banboneirubek.com/content/studeren-de-regio
 
A parti e karta via di dekanonan di skol riba tur e tres islanan di Hulanda Karibense i e ta destiná tambe pa mayornan. Na Boneiru e tabata kompañá di un tradukshon na papiamentu i na Saba i Sint Eustatius tin un tradukshon na ingles. Por lesa e karta kompletu den tur tres idioma via di e wèpsait di RCN Studiefinanciering:

www.rijksdienstcn.com/Studiefinanciering