kop

Ban Boneiru Bèk i OCAN

Koperashon entre Ban Boneiru Bèk i OCAN pa buska hende pa traha na Hulanda Karibense.
KRALENDIJK/DEN HAAG — Ban Boneiru Bèk (BBB) i OCAN a sera un konbenio di koperashon stratégiko. Tur dos e organisashonnan ya kaba ta dirigí nan mes riba buskamentu di kandidatonan (profeshonalnan) ku ta pas ku e vakaturanan ku tin den Reino. Awor e dos organisashonnan ta bai kombiná e ekspertisio ku kada un tin pa logra mihó resultado. E presidentenan di e dos organisashonnan, Celia Fernandes Pedra (BBB) i Glenn Helberg (OCAN) a finalisá e kombenio di koperashon riba 4 di òktober 2014.
Ban Boneiru Bèk, situá na Bonaire, ta e organisashon ku ta promové remigrashon di bonerianonan for di eksterior. BBB tin un wèpsait mashá popular, www.banboneirubek.com, ku hopi buskadó di trabou ta konsultá. OCAN, e organisashon ku ta atendé interesnan di suidadanonan Hulandes Karibense na Hulanda, a amplia su tereno di trabou ku e parti Karibense di Reino Hulandes. For di aña pasá e organisashon aki ta atendé ku buskamentu di trabou pa profeshonalnan ku ta buskando trabou riba un di e islanan. For di e tempu ei vários dunadó di trabou a aserká OCAN i entretantu e organisashon a realisá mèchnan eksitoso pa kandidatonan Hulandes Karibense òf kandidatonan ku afinidat pa e islanan den Karibe. Ban Boneiru Bèk i OCAN konosé otro un par di aña kaba.
Wèpsait ku vakatura, stazje i desaroyo personal Kompartimentu di retnan sosial i medionan tin bentaha pa BBB i OCAN, pero prinsipalmente pa e buskadó di trabou. Ambos partido ta boga pa keda kontribuí na desaroyo di talento i mehorashon di e posishon riba merkado laboral di, na promé instansha, profeshonalnan prosedente di e islanan Karibense. Banda di vakaturanan lo ofresé buskadónan di trabou oportunidat pa kore stazje i partisipá na trayektonan di desaroyo personal. Den e promé fase di koperashon lo bini ku un wèpsait ku vakatura pa fasilitá na promé lugá Bonaire, Saba i Sint Eustatius. Na promé instansha e inisiativa nobo aki lo pone atenshon na vakaturanan di gobièrnu di reino i gobièrnu lokal. Tambe lo tin atenshon pa enseñansa i kuido médiko i sosial. Ademas BBB i OCAN huntu lo partisipá na bolsanan di karera i di emigrashon.
Ban Boneiru Bèk i OCAN kier duna un aporte na oumento di prosperidat i bienestar di suidadanonan na Hulanda Karibense. Pa logra esei nan ta boga pa traha huntu ku hendenan ku amor pa e islanan i ku por ofresé e komunidatnan un kontribushon duradero.

Koperashon entre Ban Boneiru Bèk i OCAN pa buska hende pa traha na Hulanda Karibense.

KRALENDIJK/DEN HAAG — Ban Boneiru Bèk (BBB) i OCAN a sera un konbenio di koperashon stratégiko. Tur dos e organisashonnan ya kaba ta dirigí nan mes riba buskamentu di kandidatonan (profeshonalnan) ku ta pas ku e vakaturanan ku tin den Reino. Awor e dos organisashonnan ta bai kombiná e ekspertisio ku kada un tin pa logra mihó resultado. E presidentenan di e dos organisashonnan, Celia Fernandes Pedra (BBB) i Glenn Helberg (OCAN) a finalisá e kombenio di koperashon riba 4 di òktober 2014.

Ban Boneiru Bèk, situá na Bonaire, ta e organisashon ku ta promové remigrashon di bonerianonan for di eksterior. BBB tin un wèpsait mashá popular, www.banboneirubek.com, ku hopi buskadó di trabou ta konsultá. OCAN, e organisashon ku ta atendé interesnan di suidadanonan Hulandes Karibense na Hulanda, a amplia su tereno di trabou ku e parti Karibense di Reino Hulandes. For di aña pasá e organisashon aki ta atendé ku buskamentu di trabou pa profeshonalnan ku ta buskando trabou riba un di e islanan. For di e tempu ei vários dunadó di trabou a aserká OCAN i entretantu e organisashon a realisá mèchnan eksitoso pa kandidatonan Hulandes Karibense òf kandidatonan ku afinidat pa e islanan den Karibe. Ban Boneiru Bèk i OCAN konosé otro un par di aña kaba.

Wèpsait ku vakatura, stazje i desaroyo personal Kompartimentu di retnan sosial i medionan tin bentaha pa BBB i OCAN, pero prinsipalmente pa e buskadó di trabou. Ambos partido ta boga pa keda kontribuí na desaroyo di talento i mehorashon di e posishon riba merkado laboral di, na promé instansha, profeshonalnan prosedente di e islanan Karibense. Banda di vakaturanan lo ofresé buskadónan di trabou oportunidat pa kore stazje i partisipá na trayektonan di desaroyo personal. Den e promé fase di koperashon lo bini ku un wèpsait ku vakatura pa fasilitá na promé lugá Bonaire, Saba i Sint Eustatius. Na promé instansha e inisiativa nobo aki lo pone atenshon na vakaturanan di gobièrnu di reino i gobièrnu lokal. Tambe lo tin atenshon pa enseñansa i kuido médiko i sosial. Ademas BBB i OCAN huntu lo partisipá na bolsanan di karera i di emigrashon.

Ban Boneiru Bèk i OCAN kier duna un aporte na oumento di prosperidat i bienestar di suidadanonan na Hulanda Karibense. Pa logra esei nan ta boga pa traha huntu ku hendenan ku amor pa e islanan i ku por ofresé e komunidatnan un kontribushon duradero.

   

Drpd: Cynthia Ortega-Martijn ku a representá OCAN i Celia Fernandes Pedra ku a representá Ban Boneiru Bèk, ta para pa saka potrèt na Bonaire.

________________________________

Nota pa redakshon:

Pa mas informashon por fabor tuma kontakto ku Celia Fernandes Pedra (Ban Boneiru Bek celia@banboneirubek.com , +599 717-4318) i Glenn Helberg (OCAN, info@ocan.nl , +31 (0)70-3803301).