Vishon di Gobièrnu di Boneiru

[Webmaster]

Kralendijk – Gobièrnu di Boneiru a stipulá un vishon pa ku desaroyo di nos isla pa e añanan benidero te ku 2025. E vishon aki ta poné den e dokumento “Un vishon riba futuro di Boneiru”.

E vishon ta “Satisfakshon di bida optimal pa generashonnan aktual i futuro di Boneiru” i ta keda deskribí asin’aki:

Kralendijk – Gobièrnu di Boneiru a stipulá un vishon pa ku desaroyo di nos isla pa e añanan benidero te ku 2025. E vishon aki ta poné den e dokumento “Un vishon riba futuro di Boneiru”.

E vishon ta “Satisfakshon di bida optimal pa generashonnan aktual i futuro di Boneiru” i ta keda deskribí asin’aki:

“Boneiru ta skohe pa un desaroyo sostenibel di bienestar i prosperidat den e sentido mas amplio. Nos ta traha pa yega na un nivel di bida optimal pa e aktual i futuro generashonnan di Boneiru, Hulanda Karibense. E nivel di bida aki ta wòrdu determiná pa e posibilidatnan pa hiba un eksistensha salú i balansá, kaminda ku tin sufisiente prosperidat pa tur hende i kada hende tin espasio pa desaroyá su potensial den su ambiente sosial ambiental. Trato ku nos medio ambiente i naturalesa ta di sumo importansha den esaki. E ambishon pa tin un balanse entre naturalesa i e desaroyo soshal-ekonómiko ta nesesario pa garantisá e bienestar di futuro generashonnan tambe.”

Fundamental na e vishon aki, ta ku e hende ta pará sentral. Gobièrnu ta sirbi komunidat dor di fasilitá i stimulá un desaroyo balansá i kontrolá. Pa por logra esaki ta skohe pa un aserkamentu ku harmonia entre e 3 dimenshonnan: ekonómiko, sosial i ekológiko, ku bienestar duradero di e ser humano komo enfoke sentral.

E vishon aki ta keda tradusí den metanan, kual ta:

1. Fortifikashon di situashon sosial, pa union sosial ku mantenshon di identidat komun

2. Fasilidatnan na un nivel aseptabel den Reino Hulandes

3. Entrada i empleo dor di kresementu ekonómiko balansá i sostenibel

4. Mantenshon di naturalesa den forma duradero

5. Gobernashon fuerte i sufisientemente kapasitá

6. Representashon di tur gremionan den komunidat

 

Pa logra e metanan aki, Gobièrnu ta traha riba programanan ku mester resultá den un struktura di seguridat sosial, desaroyo integral di barionan atendiendo ku problemanan soshal-ekonómiko i gruponan frágil den komunidat, invershonnan den infrastruktura entre otro kamindanan, haf i airopuerto, promoshon di klima di negoshi i invershon, maneho pa ku medio ambiente i naturalesa, turismo di kalidat duradero i diversifikashon di turismo, profeshonalisashon i fortifikashon di aparato gubernamental, i diálogo struktural ku gremionan.

Den e lunanan benidero Gobièrnu di Bonaire lo traha den estrecho koperashon entre otro ku partnernan den komunidat i tambe Gobièrnu di Reino, pa e vishon aki ta reflehá den e plannan di mas aña pa Hulanda Karibense.

[Auteur]

Berichten