“Studiante awe, profeshonal mañan”

Back2Bonaire foundation since 2007 Forums Ban Boneiru Bèk! “Studiante awe, profeshonal mañan”

1 bericht aan het bekijken (van in totaal 1)
  • Auteur
    Berichten
  • #5833
    Webmaster
    Deelnemer

    Dia 15 di novèmer awor lo organisá e di dies Marshe di Estudio i  Profeshon na Boneiru. Fundashon Ban Boneiru Bèk a haña enkargo di Komunidat di Skol Boneriano pa organisá e marshe akí. E komishon, presidí a señora Lilian Paula-Crestian a skohe e aña akí pa bolbe organisá e marshe den salanan di Jong Bonaire na Kaya Libertador Siman Bolivar.

    Partisipantenan por kuminsá drecha nan stènt for di 08.00 or di mainta. Apertura ofisial lo ta 10.30 or i e marshe lo ta habrí pa públiko di 11.00 – 18.00 or.

    Dia 15 di novèmer awor lo organisá e di dies Marshe di Estudio i  Profeshon na Boneiru. Fundashon Ban Boneiru Bèk a haña enkargo di Komunidat di Skol Boneriano pa organisá e marshe akí. E komishon, presidí a señora Lilian Paula-Crestian a skohe e aña akí pa bolbe organisá e marshe den salanan di Jong Bonaire na Kaya Libertador Siman Bolivar.

    Partisipantenan por kuminsá drecha nan stènt for di 08.00 or di mainta. Apertura ofisial lo ta 10.30 or i e marshe lo ta habrí pa públiko di 11.00 – 18.00 or.

    Diferente instututo lo duna un tayer i esakinan ta planiá di e siguiente forma:

    Sala 1

    13.30 Onderwijs Instituut C.N. – studia online

    16.00 Fundashon Mariada

    Sala 2

    13.30 Kamer van Koophandel – hasi negoshi

    Lo tene un demostrashon pa 14.30 or di atardi.

    Meskos ku tur aña komishon di marshe a skohe un lema pa yuda i stimulá hóbennan, futuro di Boneiru, pa nan informá na mes debidamente tokante posibilidatnan ku tin riba merkado laboral i di estudio, pa nan por hasi un eskoho bon prepará. P’esei e lema di e aña akí ta: 

    “Studiante awe, profeshonal mañan”

    “Vandaag student, morgen professional!”

    Ta di sumo importansia pa duna hóbennan un bon bista riba posibilidatnan di estudio i profeshon, pasobra un hóben bon informá por hasi un mihó eskoho pa su futuru. Nos ta spera un kantidat grandi di partisipante e aña akí i nos ta enkurashá studiantenan/ hóbennan pa bin orientá i buska informashon tokante posibilidatnan ku tin riba merkado laboral i di estudio.

    Durante di marshe lo parti e korant SBM Magazine pa bishitantenan. E tema di e korant ta igual ku e lema di marshe di e aña aki, esta: “Studiante awe, profeshonal mañan!”. E korant ta konsistí di entre otro: un palabra promé di komishon organisadó, artíkulo di presidente di komishon, artíkulonan tokante trabou i enseñansa i hopi otro informashon interesante.

     

    E aña aki lo tin partisipantenan prosedente di Boneiru, Kòrsou i Hulanda. Ademas tin kompanianan di Boneiru ku lo indiká ku tipo di profeshonnan lo tin nesesidat di dje riba termino kòrtiku i  – largu.

    Partisipantenan di e sektor di enseñansa ku lo partisipá ta:

    Christelijke Hogeschool Ede; Hotelschool The Hague; ROA CN; OCW/DUO/RCN Studiefinanciering; HAN Hogeschool van Arnhem en Nijmegen; Onderwijs Instituut Caribisch Nederland; Fundashon Forma; Stichting Ta mi futuro; SGB MBO;FEFFIK.

    Instansianan i kompanianan ku lo partisipá ta:

    Brandweer Caribisch Nederland; BONHATA; Buddy Dive Resort; Delta Security and Hospitality; Fundashon Kuido Personanan Desabilitá; Fundashon Mariadal; Fundashon Rosa di Sharon; Jacobs Architekten; Koninklijke Marechaussee; Kooiman BV; Korps Politie Caribisch Nederland; Kustwacht Caribisch Nederland; Maduro & Curiels Bank; Mangazina di Rei ; Marchena Construction; NGO Platform; Openbaar Lichaam Bonaire; RCN; Selibon N.V.; Stichting Krusada; Telbo N.V.; Tempo Bonaire NV; Tropical Car Care; Unkobon; WEB NV.; Woodworkers Bonaire.

    BON FM lo transmití e aktividat bibu i direkto di 11.00 – 12.00 or I 13.00 – 14.00 or.

    E aña aki Marshe di Estudio & Profeshon ta konta ku e siguinte patrisonadónan: Scholengemeenschap Bonaire, Fundashon Ban Boneiru Bèk, Maduro & Curiel’s Bank Bonaire NV, Flamingo Communications, Green Label, ROA CN, TELBO NV., WEB Water en Energieberdrijf Bonaire, i TEMPO Bonaire NV.

    Komishon Marshe Estudio & Profeshon ta enkurashá kada un pa bishitá e marshe dia 15 di novèmber awor. Pa mas informashon por bishitá wèpsait banboneirubek.com i klek riba ‘Studie- & Beroepenmarkt’. Persona di kontakto pa e Marshe di Estudio i Profeshon 2013 ta señora Lilian Paula-Crestian.

1 bericht aan het bekijken (van in totaal 1)
  • Je moet ingelogd zijn om een antwoord op dit onderwerp te kunnen geven.