Konferensha tokante edukashon vokashonal na Hulanda Karibense

[Webmaster]

Kralendijk – Djarason ku a pasa representantenan di institutonan pa edukashon vokashonal i otro instanshanan den ramo di enseñansa na Boneiru, Sint Eustatius i Saba a kometé nan mes na un lista di palabrashon. E firmamentu aki a forma klousura di un konferensha di tres dia tokante enseñansa vokashonal. Meta di e konferensha aki tabata pa yega konhuntamente na un lista di medida ku mester tuma pa promé ku aña 2016 tur institutonan pa enseñansa vokashonal na Hulanda Karibense lo por kumpli ku kuadronan legal i yega na e kalidat básiko segun normanan Hulandes Europeo pa enseñansa vokashonal. Riba e pòrtrèt, di robes pa drechi direktor Hemmie van Xanten di Saba Comprehensive School, direktor Elyane Paul di ROA CN (Raad voor onderwijs en arbeidsmarkt Caribisch Nederland), direktor Leen de Jong di Gwendoline van Putten School (Sint Eustatius), direktor di unit mbo di Scholengemeenschap Bonaire Dinie Wijnmaalen, direktor Inge Berben di Fundashon Forma (Boneiru) i sr. projectleider voortgezet en beroepsonderwijs RCN/OCW Nolly Oleana.

[Auteur]

Berichten