- Dit onderwerp bevat 0 reacties, 1 deelnemer, en is laatst geüpdatet op 14 jaren, 9 maanden geleden door
.
- Berichten
UN PUEBLO DEN UNION
UN PUEBLO DEN UNION
Koro:
O Rincon, mi dushi Rincon
Selebrashon ‘i bo dia ta kargá ku alegria
O Rincon, mi dushi Rincon 2x
Un pueblo den union tin Dios su bendishon
Un mensahe di kurason di un bon yu di tera
Ser orguyoso di bo himno i bo bandera
Pueblo ta bini huntu Dia di Rincon
Ban kuid’é i manten’é den nos kurason
Koro:
O Rincon, mi dushi Rincon ….
Biba bon ku bo famia i un tapá pa e bisiña
Bon konbibensia mester ta ko’i tur dia
Nos norma i balornan ta ko’i respetá
Pa di nos dushi Rincon, henter mundu haña sa
Koro:
O Rincon, mi dushi Rincon ….
Nos ta reuní den un selebrashon sin igual
Dia di Rincon, manifestashon kultural
Fiesta di kosecha, alegria e ta trese
Ban hinka simia den tera anto p’e nase i krese
Koro:
O Rincon, mi dushi Rincon ….
Koro:
Un pueblo den union, tin Dios su bendishon
Tradishonnan ta keda rekordá
Awe t’ un dia pa selebrá
Koro:
Un pueblo den union, tin Dios su bendishon
Tur aña di nobo ta reuní
Hamas kultura por bai perdí
Koro:
Un pueblo den union, tin Dios su bendishon
Manifestashon kultural
Ya un patrimonio nashonal
Koro:
Un pueblo den union, tin Dios su bendishon
O Rincon, mi dushi Rincon
Den union, ku Dios su bendishon
Koro:
Un pueblo den union, tin Dios su bendishon
Di un bon yu di tera
Un mensahe di kurason
Duna honor na himno i bandera
I kòrda semper stima Rincon
Nos kustumbernan Koro: Ban rekordá
I atardi wap’ un simadan Ban selebrá
Biba bon ku bo famia Ban rekordá
Kòrd’e tapá pa e bisiña Ban selebrá
Fiestanan di pueblo Ban rekordá
Ban balia man den man Ban selebrá
San Wan i San Pedo Ban rekordá
I e dushi simadan Ban selebrá
Zon’e kueru Ban rekordá
Kanta mi barí Ban selebrá 2x
Kant’ un remailo Ban rekordá
Pasó main’ chikí a pari Ban selebrá
Anto tend’ e wapamentu Sha, sha, sha, sha, ban selebrá
Skuch’ e wapamentu Sha, sha, sha, sha, ban selebrá
Tradishon Ban rekordá
Tin kumindanan krioyo Ban selebrá
Tambe tin karabobo Ban rekordá
Krakulenchi, panlefi ku boyo Ban selebrá
Dia di Rincon Ban rekordá
Est’ un selebrashon Ban selebrá
Dia di Rincon Ban rekordá
Risibí un pabien di kurason
O Rincon, mi dushi Rincon
Un pueblo den union tin Dios su bendishon
Ban selebrá!
- Je moet ingelogd zijn om een antwoord op dit onderwerp te kunnen geven.