Directie wijziging SGB

[Webmaster]

 

Kambionan den direktorado di Komunidat di Skol Boneriano

 

 

Kambionan den direktorado di Komunidat di Skol Boneriano

 

Señor Serapio Pop entrante 15 di mei awor lo terminá su tarea komo Direktor di Enseñansa.

Direktor di Enseñansa, Direktor General i Direktiva ta mira ku ta inevitabel pa no hasi kambio den tareanan di direktorado. Señor Pop lo bai okupá e funshon di Sekretario di Eksamen entrante e fecha ariba menshoná. Ta trata di un funshon nobo, ku ta di interes esensial den kuadro di salbaguardiá kalidat di enseñansa na Komunidat di Skol Boneriano.

 

Ougùstùs di aña pasá a start un trayekto di kambio den enseñansa. E kambionan tabatin komo konsekuensia ku e peso di e funshon di direktor di enseñansa a mengua. Ta pa e motibu ei ta traspasá e responsabilidat di desaroyonan den enseñansa pa mènedjernan di unidat, kende nan, di awor pa dilanti, mes lo ta responsabel pa e parti aki.

Entrante 15 di mei awor Direktor General,  señor John van ‘t Hoff, lo tuma e portafolio di enseñansa bou di su enkargo i lo sòru pa guia e mènedjernan di unidat durante proseso di traspaso di e tarea aki. Señor van ‘t Hoff lo karga e responsabilidat final i e lo supervisá e koherensia entre e unidatnan.

 

Kambionan den Komunidat di Skol Boneriano anteriormente menshoná, manera lumpsum i responsabilisashon horizontal, lo trese kambionan organisatorio den Komunidat di Skol Boneriano.

Direktiva ta haña ku ta sumamente  importante pa tin un maneho adekuá, ku ta garantisá un proseso kontinuo di kòntròl riba palabrashonnan hasí i responsabilisashon pa esakinan. Esaki a kondusí na e vakatura pa un Direktor di Maneho Operashonal. Riba tèrmino korto lo kuminsá ku un prosedura di solisitut. Pa salbaguardiá interesnan di personal di Komunidat di Skol Boneriano, a envolví “Medezeggenschapsraad” den henter e proseso aki. 

 

 

Atentamente,

 

F.C.J.A.  Lauxen

Presidente di Konseho di Direktiva di

Fundashon Komunidat di Skol Boneriano

           

          —————————— 

Veranderingen binnen directie Scholengemeenschap Bonaire

 

De heer Serapio Pop zal met ingang van 15 mei zijn taak als onderwijskundig directeur beëindigen. De onderwijsdirecteur, de algemeen directeur en het bestuur zien een verandering van taken binnen de directie als onvermijdelijk. De heer Pop gaat vanaf genoemde datum de functie van examensecretaris vervullen. Het gaat hier om een nieuwe functie, die van essentieel belang in het kader van het waarborgen van de kwaliteit op de SGB.

 

In augustus 2010 is een veranderingstraject ingezet. De veranderingen hebben ertoe geleid, dat de zwaarte van de functie van onderwijskundig directeur is afgenomen. Daarom worden de ‘onderwijskundige ontwikkelingen’ overgedragen aan de unitmanagers, die hier dus voortaan zelf verantwoordelijk voor zijn.

 

De algemeen directeur, de heer J. van ’t Hoff,  zal vanaf 15 mei de portefeuille onderwijszaken onder zijn beheer nemen en hij zal de unitmanagers begeleiden in het overnemen van deze taak. De heer Van ’t Hoff zal als eindverantwoordelijke de samenhang tussen de units blijven bewaken.

 

De eerder genoemde veranderingen binnen de SGB, zoals de lumpsum en de horizontale verantwoording, hebben meer gevolgen voor de organisatie van de SGB. Het bestuur vindt het van groot belang, dat een gedegen bedrijfsvoering garant staat voor een continu proces van monitoring (controle op gevoerde afspraken uitvoeren) en verantwoording. Dit heeft geleid tot het ontstaan van de vacature van Directeur Bedrijfsvoering. Op korte termijn wordt hiervoor een sollicitatieprocedure gestart. Om de belangen van het personeel te waarborgen is de Medezeggenschapsraad (MR) bij dit hele proces betrokken.

 

Met vriendelijke groet,

 

 

F.C.J.A. Lauxen

Voorzitter Raad van Bestuur

Stichting Scholengemeenschap Bonaire

         

 

[Auteur]

Berichten