Tokante Fundashon Tienda pa Konsumido Boneriano
Debi na kresementu fuerte i ekspanshon di e aktividatnan di Fundashon Tienda pa Konsumido Boneriano, nos ta buska un persona pa fortalesé nos tim komo: Funsionario di maneho di Konsumidó,
Tokante e funshon:
Komo Funsionario di maneho di Konsumidó, bo ta kontribuí na un merkado hustu i transparente na Boneiru. Bo ta konsehá direktiva i stakeholders riba maneho di derechonan i protekshon di konsumidó, bo ta señalá puntonan di frakaso den funshonamentu di merkado i bo ta traha riba regulashon ku ta protehá e konsumidó. Den esaki, bo ta tene kuenta ku e konteksto úniko di Boneiru: un isla chikitu pero dinámiko, ku un situashon ekonómiko i kultural spesial.
Bo tareanan ta inkluí entre otro:
- Desaroyo, ehekushon i evaluashon di maneho di derechi di konsumidó;
- Konsehá direktiva i otro stakeholders riba polítika di konsumidó, lei i legislashon i desaroyonan relevante den merkado;
- Señalá tendensia i puntonan di frakaso den e merkado di konsumidó i tradusí esakinan na konsehonan di polítika;
- Prepará desishon, notanan, konseho i rapòrt;
- Trata rapor di keho i señalnan di konsumidó;
- Kolaborá ku empresario lokal, organisashonnan di interes i instansianan gubernamental;
- Duna informashon na pueblo tokante derechonan di konsumidó;
- Mantene bo mes na altura di desaroyonan relevante den lei i legislashon, entre otro e legislashon di Reino.
Loke nos ta eksigí
- Nivel di traha i pensamentu HBO. Mínimo 3 aña di eksperensia laboral relevante (por ehèmpel den maeho, funshonnan huridiko òf orientá riba konsumidó);
- Dominio ekselente di idioma papaiemnetu i hulandes: bo ta skirbi kla i sin fayo i por presentá materia kompleho di un forma fasil pa komprondé;
- Konosementu di i afinitat ku e konteksto di Boneiru: e ekonomia local, kultura i sosiedat;
- Fleksibilidat: bo ta kambia fasilmente entre tareanan i prioridatnan distinto;
- Kompañero di tim: bo ta traha agradablemente ku koleganan i partnernan eksterno;
- Resistensia kontra strès: bo ta keda trankil i efektivo bou di preshon;
- Disponibel pa 36 ora pa siman;
- Dominio ekselente di Papiamentu i Hulandes (oral i por skrito;
- Spañó i Inglés ta un bentaha.
Loke nos ta ofresé
- Un funshon ku variashon i ku relevansia sosial riba e isla;
- Un salario dependiente di añanan di eksperensia;
- Traha den un tim será den un ambiente di trabou agradabel.
Solisitá
Mandá bo karta di motivashon i CV promé ku 9 di òktober 2026 na gi******@***************do.com na atenshon di Sra. Giovanna Frans, Direktora.
Sin un karta di motivashon no ta tuma e solisitashon den tratamentu.
No ta asepta akwisashon komo resultado di e vakatura aki