3-4-2012
DROB, DEZA, DOMEIN, L.V.V A KUMINSA FUNSHONA BOU DI UN DIREKTOR DJALUNA
Djaluna mainta kolegio ehekutivo, pa medio di diputado Burney el Hage, Silvana Serfilia, James Kroon i sr. Yonathan Yukema a hasi un bishita di trabou na e servisionan ku a bin huntu bou di un direktorado, kual ta, Dienst Ruimtelijk Ontwikkeling en Beheer “Drob”, Domein i Dienst Economische Zaken “Deza” i L.V.V. T’asina ku tur e servisionan menshoná ariba awor ta bou di un solo dak i a kuminsá funshoná den e struktura nobo bou di un direktor kende ta sr. Jonathan Jukema.
Na e okashon aki sr. Yukema a hiba palabra i a deseá tur trahadó di e respektivo servisionan ku ta resortá bou di e direktorado nobo, a pidi pa ban traha huntu, pa por tin bon komunikashon i pa sostené otro, pa asina brinda un bon servisio na bienestar di komunidat Boneriano.
N’e okashon aki diputado El Hage tambe a hiba palabra i a deseá e trahadónan éksito ku e struktura nobo ku nan a kuminsá traha den i a pidi pa komprenshon pa e situashon ku algun ofisina ku no ta kompletamente kla ainda, pero den grandes liña ku e servisio nan tur ta huntu i ku tin algun aspekto mas ku falta pa asina tur e servisio nan por funshoná optimal, na bienestar di e komunidat boneriano.
Voorlichting Bonairegov.an
Redactie: Jonathan Jukema was voorheen directeur SSC op Curacao