Bo ke sòru pa kalidat di profeshonalnan di futuro? Bo tin bon bista di profeshonnan na Boneiru i hinter Karibe Hulandes? Bo ta haña agradabel pa entrená instruktornan pa guia di studiante?

Awèl sigui lesa, pasobra nos ta buska un kolega nobo!  

Bo funshon                            
Komo konsehero/entrenadó bo tin kontakto ku otro kompania tur dia. (Futuro) kompanianan di instrukshon ta repartí den sektor: por ehèmpel, Konstrukshon i Téknika, Kuido i Bienestar, Horeca i Turismo. E kompanianan aki ta guia studiante di Mbo i empleadonan òf ta pensa di hasi esaki. Bo ta hiba kòmbersashon ku nan pa evaluá si nan por ofresé e studiantenan ambiente di trabou bon i sigur. Si unabes bo a rekonosé un kompania, bo tin kontakto regularmente ku nan. 

Tambe bo ta duna treinen na e tres idiomanan di e islanan, papiamentu, hulandes i ingles pa sertifiká e instruktornan òf pa prolongashon di nan sertifikashon. Pa trese demanda i oferta di stazje i trayektonan di traha i siña bon huntu, bo tin kontakto ku instansianan edukashonal i otro partnernan den kadena. Ademas bo tin un ròl pa trese skol i kompanianan huntu. Forma i mantené un ret di kontakto no ta niun problema pa bo.       

Bo ta bishitá kompanianan i skol i bo ta sòru pa tur informashon ta dokumentá den nos sistema di CRM. Komo konsehero/entrenadó bo ta traha for di kantor i e echo ku bo ta bishitá kompanianan i skol, bo ta hopi riba kaya. Den un palabra: un funshon dinámiko!  

Loke ta hasi e funshon asina fasinante

• Bo ta hasi impakto! Bo ta bin traha den un organisashon komprometé. Pa medio di bo aporte hopi studiante di Mbo por haña un lugá di stazje bon i di kalidat haltu di e manera ei risibí nan diploma.   
• Komo konsehero/entrenadó diariamente bo ta den kontakto ku un skala amplio di kompania i organisashon. Un funshon variá i dinámiko unda niun dia no ta meskos! 

Kaminda bo ta bai traha
Bo ta bin traha den un tim entusiasmá ku profeshonalnan positivo i motivá. Ta traha den estrecho koperashon pero nos ta konfia tambe riba bo profeshonalismo i ekspertisia. Nos ta un tim chikí ku ta logra resultadonan huntu. Nos ta okupá ku profeshonalisashon pa bira e Ofisina di Ekspertisia pa Hulanda Karibense, pa konekshon entre enseñansa profeshonal i merkado laboral.      

Bo ke haña un bista di ROA CN, subi nos wèpsait.

Loke bo ta trese

• Bo por hinka bo mes den sapatu di personanan na e kompanianan ku bo ta den kontakto kuné.
• Bo konosé merkado laboral di Boneiru bon.
• Bo ta un partner di kòmbersashon agradabel, ku otro hende ta gusta risibí konseho serka dje, pero bo no ta evitá temanan di kòmbersashon difísil.
• Bo ta kurioso pa siña i bo ke profundisá bo mes den estudionan di Mbo. Kalidat ta hopi importante pa bo.    

Ademas nos ke mira lo siguiente serka bo:

• Bo por demostrá manera di traha i pensa riba nivel di hbo;
• Bon abilidat ekspresivo verbal i por eskrito;
• Konosementu di Microsoft Office i bo ta disponé di abilidatnan digital general;
• Ta disponé di reibeweis i transporte propio;
• Bo ta biba na Boneiru òf tin plan di establesé aki;
• Preferibel ku konosementu di estudionan i Mbo.

Kompetensianan

• Ku atenshon pa kliente
• Komunikativamente abil verbal i por eskrito
• Presiso
• Proaktivo

Loke nos ta ofresé
ROA CN ta ofresé ambiente laboral inspirativo, unda empleado i gerensia ta traha huntu. Ademas nos ta ofresé:

• Dependiente di bo konosementu i eksperensia ta klasifiká bo den skal inisial, skal 9 òf skal funshonal, skal 10. 
• Un siman di trabou pa tempu kompletu ta 36 ora pa siman, di kua bo tin 23 dia di fakansi.
• Kompensashon di fin di aña di 8,33% i sèn di vakashon.
• Partisipashon na areglo di penshun na PCN ta obligatorio.
• Un telefòn i lèptòp di trabou.
• Nombramentu pa durashon di un aña, ku bista riba kontrato pa tempu indefiní si tin bon funshonamentu.  

Prosedura
Bo tin interes den e funshon aki i bo ta disponé di konosementu i abilidatnan solisitá? Reakshoná e ora ei te ku djaweps 30 di novèmber 2023. Manda bo motivashon kòrtiku i direkto huntu ku bo kuríkulo pa Judette Frederiks j.frederiks@roacn.com    

E prosedura di selekshon ta konsistí di dos ronda. E promé kòmbersashonnan ta tuma lugá djabièrnè 8 di dezèmber na kantor di ROA CN òf ‘online’. E di dos kòmbersashonnan ta tuma lugá djabièrnè 14 di dezèmber 2023.